ब्लॉगवर स्वागत

नमस्कार,

ब्लॉगवर मनापासून स्वागत. व्यक्त होणं हीच हा ब्लॉग सुरू करण्यामागची प्रेरणा आहे. अनुभवांची कक्षा व्यापक करावी, जाणीवा समृद्ध व्हाव्यात आणि जगण्याविषयीचं एकूणच आकलन अधिक सखोल-सघन होत जावं ही आंतरिक इच्छा सतत तेवत असते मनात, त्यातूनच पांढ-यावर काळं करण्याची खाज स्वस्थ बसू देत नाही. ही आस तीव्र होत चालल्याने शेवटी हा खेळ मांडण्याशिवाय आम्हाला पर्याय उरला नाही!

शेती हा आमच्या जिव्हाळ्याचा विषय. शेती आणि शेतकरी, त्यासंबंधीचे धोरणात्मक मुद्दे, समस्या या जोडीलाच शेती खात्यातल्या सुरस आणि चमत्कारिक घडामोडी आणि भ्रष्ट व्यवहारांचा पर्दाफाश हा सगळा पट पत्रकारितेच्या अंगाने कव्हर करण्याचा आमचा मनसुबा आहे.

आपल्या प्रतिक्रिया, सटीक टिप्पण्या, शेरेबाजी यांचं स्वागतच आहे.

कळावे,

     कबीर माणूसमारे

kabir.manusmare@gmail.com